في محطة القطر بين صراع يروح مع امه اللي قررت تنفصل عن ابوه عشان حبت
واحد غيره وتسيب المدينة أو يفضل مع أبوة
تركب أمه القطر ويبتدي يتحرك وسط توسلات منها أنه يروح معاها
ويبتدي الولد يجري ورا القطر عشان يلحق أمه
بنفس الوقت أبوه مقدرش يقبل بختيار الولد
وكمان ينده عليه
عشان يرجعله ... لأنه بكدا هيكون خسر كل حاجه
زوجتة وأبنه
وفي هذه اللحظات البسيطه
الولد بيبدأ جواه الصراع جواه بين انه يروح مع أمه أو يفضل مع ابوه
#صراع دائم داخل كل واحد فينا لما يكون عندنا أكتر من أختيار
وبما انك لسه ماخترتش يبقي كل الاحتمالات موجوده حتي تختار
هنا مؤلف ومخرج #Mr_Nobody تناول فكرة الاحتمالات و #تأثير_الفراشة
و#توسع_الكون عن طريق تناول اختيارات الطفل #نيمو
كل أختيار منهم ليه قصته وليه أنفعالات وحالات و نهايات مختلفه
بيتنقل الفيلم بين #حكايات ... اللي بيحكلنا #قصة نيمو نفسه
وهو عنده 117 سنة ... لما لقي نفسه في #العالم_الحديث لا فيه #موت ولا #جنس
ومش فاكر اي حاجه ... غير ان الطبيب بتاعه بيحاول معاه طريقة قديمه وهي
#التنويم_المغناطيسي عشان يقدر يفتكر
لما جرب معاه التنويم المغناطيسي قدر يرجع للماضي مش بس وهو طفل لا !
دا قدر يرجع لقبل أن يولد وبيحكي اننا بنبقي عارفين ايه اللي هيحصل .. لكن
#ملائكة النسيان قبل ما حد يتولد يلمسو شفايفه حتي ينسي كل شئ .... لكن
بما انهم ملائكة نسيان ... نسيو نيمو نفسه !!!!!!
عشان كدا كان يملك قدرة #تنبوء بالمستقبل ... وده اللي خلاه في كل قصه من
الاختيارات اللي هيختارها كان ممكن يرجع ويعيد الاختيار فيها تاني
#فيلم مش للمشاهد العادي اللي بيدور علي متعة #مشاهده
الفيلم صعب ومحتاج تركيز عشان تقدر تستوعب ودماغك تهضم وتابع سرعة #أحداث
وسرعة التنقل بين الاختيارات
لأن في رايي ان اي جزء من الفيلم يتم أغفاله أو اللهو عنه هيضيع منك الترابط وتتلغبط
بينهم
ملاحظات :
1- الفيلم طويل مدته تقريبا ساعتين ونصف
2- يجب التركيز مع احداث الفيلم اي مشهد تغفل عنه
يفقد الترابط بين أحداث الفيلم وبعضها
" كان نفسي أقول مشاهدة ممتعة ...لكن كل اللي أقدر اقوله اتمنالك سحلت دماغ ممتعه "
ليست هناك تعليقات:
إرسال تعليق