وصفة اكليل الجبل لتطويل الشعر ... الطريقه الصحيحه لأستخدام الروزماري للشعر

الروزماري او أكليل الجبل يعرف بالأسمين بيدخل في كثير من اصناف الأكل والمخبوزات 

قصته ايه معايا ده اللي هذكره حالا زي اي حد بيدور عالنت علي وصفات الشعر قرأت عن فوايده فالاول وكذا طريقه للناس اللي مش عارفه شكله صورته اهي 

في واحده من البنات كانت منزله طريقه هي استخدمتها وزي اي حد عكاك حب يجرب جربته فعلا 

وجاب نتيجه هايله علي شعري وبقالي فتره بستخدمه وخليت ناس كتير حواليا تستخدمه وطبعا في ناس شكرت فيه وفي ناس قالت لااااااا ده بيوقع الشعر انا بقي هقول الطريقه اللي مشيت عليها وهذكر الطريقه الخطأ اللي الناس عملتها واشتكت منها 

الطريقه الصح هي 

انك زي الشاطره تروحي عند العطار تطلبي منه ب 3 جنيه روزماري طبعا مش هنستخدم الكميه كلها بس انا قلتله حبه قد كف اليد 

باخد منهم معلقتين وبضيف عليهم كوبايتين مايه من الحنفيه لو عايزه تبذري وتحطي ميه معدنيه براحتك او ميه من الفلتر ميضرش برضوا وبعدين تحطيهم علي نار هاديه وتسيبيهم يغلوا شوي مع نفسهم تقريبا ربع ساعه بعد الغليان وتقفلي عليهم وتغطيهم لتاني يوم 

بعدين تصفيهم وتحطي الميه اللي طلعت دي في بخاخه وكل يوم هتستعمليها مره قبل النوم علي جدور الشعر ودلكي خفيف ويستحسن تعملي شعرك ضفرتين ونوم الهنا 

انا النتيجه ظهرة معايا بعد تقريبا اسبوع حسيت بطول طفيف بالشعر مع اني شعري بيطول بصعوبه وملمس الشعر اختلف 

المحلول ده ريحته حلوه بس قويه شوي الحلو ان بعد شوي او بعد ماتنشف الريحه بتروح خالص ولا كأنك حاطه حاجه 

الاخطاء اللي بيقع فيه اغلب الناس اللي بتعمل الوصفه دي عشان كده بيشتكوا من وقوع الشعر انهم بيكتروا قوي في كمية الروزماري اللي بيحطوها وقت الغليان علي اساس انه لو حطوا اكتر مفعوله يبقي اقوي لاااااا ده غلط 

لازم تكون نسبه الميه للروزماري اكبر بكتير واي شئ بيزيد عن حده ينقلب للضد بس كده 

اه ملحوظه اخيره لو عايزه نتيجه اسرع ممكن تحطي مرتين بس انا بفضل اني استخدم مره واحده عشان الملل مش اكتر 

أي سؤال سيبوا تعليق 

مواضع قد تهمك :
5 أخطاء شائعة في العناية بالبشرة وكيفية إصلاحها ♦️

تخلص من 10 كيلو دهون في عشرة ايام بدون رياضة بدون جوع!!!